Jehona e aktiviteteve sensibilizuese në mbështetje të fëmijëve autikë dhe me aftësi ndryshe, ka nxitur DAR, në bashkëpunim me shkollat 9-vjeçare publike dhe jo publike të qytetit të Shkodrës, që të zhvillojnë aktivitete sportive, mes të cilave kampionatin pranveror të volejbollit.
Për 10 ditë me radhë, në palestrën e shkollës “Maria Ndihmëtare” janë zhvilluar ndeshjet e volejbollit mes skuadrave të shkollave, me një pjesëmarrje të madhe të nxënësve.
Ndryshe nga vitet e tjera, gjatë këtij kampionati, nxënësit e shkollave kanë mbajtur bluzat e Malteser me mesazhet sensibilizuese mbi autizmin.
