Sot Prishtina është zgjuar krenare. Rrugët e saj gumëzhijnë nga besimtarë, personalitete e të ftuar, të cilët duke ndjekur gjurmët e njëri-tjetrit, drejtohen për në Katedralen e së Lumes Nënë Tereza. Kremtohet 10-vjetori i Lumturimit të Nënë Terezës dhe 1700-vjetori i Ediktit të Milanos.
Himni solemn i fton klerikët katolikë të hyjnë brenda për ceremoninë madhështore. Ky kremtim udhëhiqet nga i Deleguari special i Papa Françeskut, Sh.T. Imzot Francesco Canalini në bashkëkremtim me Ipeshkvin e Kosovës, Imzot Dodë Gjergji dhe ipeshkvij e meshtarë nga Shqipëria, Kosova, Mali i Zi e treva të tjera shqiptare. Përballë, personalitete të ndryshme shtetërore e besimtarë të panumërt, të cilët e kanë mbushur plot këtë katedrale madhështore.
Me kërkesë të Ipeshkvit të Kosovës, Malteser Shqipëri është në gatishmëri me skuadrën e vet për të ofruar Ndihmën e Parë dhe është vënë në aktivitet, pasi herë pas here njerëz të ndryshëm kanë pasur nevojë për asistencë mjekësore.
Me kërkesë të Ipeshkvit të Kosovës, Malteser Shqipëri është në gatishmëri me skuadrën e vet për të ofruar Ndihmën e Parë dhe është vënë në aktivitet, pasi herë pas here njerëz të ndryshëm kanë pasur nevojë për asistencë mjekësore.
